CopaDelRey

Carlo Ancelotti te deklare jwè a prè pou l jwe. Nan dènye minit yo li ba l repo, Kylian Mbappé pa nan gwoup ekip Real Madrid ki ap afwonte ekip Real Sociedad la jodi mèkredi 26 fevriye a nan demifinal ale Koup Diwa a, atakan fransè a te rate antrènman ayè madi a akoz doktè te retire yon dan l, yon operasyon ki pa grav daprè enfòmasyon Real Madrid.

Mbappé te titilè nan tout match Real Madrid depi nan dat 22 desanm, kapitèn seleksyon fransè a ap repoze pou kapab reponn ak kalandriye chaje ekip Real Madrid la ki genyen anpil obligasyon, yo dezyèm nan chanpyona a yo pa gen dwa fè erè, e yo genyen de (2) match uityèmdefinal Ligue des Champions fas Atletico Madrid, premye a 4 mas nan Bernabéu a retou a 12 mas kay Atletico.

Sa pat fasil pou Kylian Mbappé nan kòmansman an ak ekip la men fransè a arive jwenn pik li e menm rive enpoze l nan ekip la, youn nan konfimasyon ki pi resan se 3 gòl li te fè fas Manchester City nan baraj retou Ligue des Champions an pou te pèmèt ekip la genyen 3-1.

KÒMANTÈ

Dènye atik yo